Дүйнөдөгү эң толук баланын абалы учурда кандай?

Дүйнөдөгү эң толук баланын абалы учурда кандай?
18-Апр. 2019, Бейшемби, 13:55

Дүйнөдөгү Арья Пермена аттуу семиз бала мындан эки жыл мурун 190 килограмм салмакта болгон. Учурда ал 12 жашта жана эки эсе салмак таштагандыгы айтылат.

Ата-энесинин айтуусунда: Арья кадимки балдар сыяктуу төрөлгөн. Мындан үч жыл мурун бат толо баштаган. Ал күнүнө беш ирет тамактанып калган. Ата-энелери Арьинин курсагын тойгузуш үчүн башкалардан карызга акча сураган күндөрү болгон.

Акырында ал ашыкча салмактан улам, ордунан туруп баса албай, мектепке дагы бара албай калган. Эртеден кечке керебетте жатып, күнүн планшетке арнап калган.

Ата-энеси Арьини атайын адистерге көрсөткөн. Адистер аны күрүч жана жашылча диетасына отургузган. Ошондой эле, газдалган суу жана таттулардан толугу менен баш тартуу керек экендигин айтышкан. 2017-жылы Арьиге ичтеги майларын алуу үчүн атайын операция жасалган.

Учурда Арьи өз теңдүүлөрү сыяктуу мектепке барып, достору менен футбол ойноп калганга жетишкен. Беш километр жөө басып, бадминтон ойноону адатка айланткан.

Арья “Ливерпуль” футбол клубунун фанаты жана келечекте футболист болгусу келет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!