Акылдуу бала тарбиялоонун жолу

Акылдуу бала тарбиялоонун жолу
25-Июль 2019, Бейшемби, 13:50

Баланын акылдуу болуп өскөнүн кимдер гана каалабайт. Анткени, жакшы бала-бакчага берүү, кийин жакшы мектеп, андан соң университетте алдыңкы студенттердин катарын толуктоо, ар бир эле ата-эненин кыялы. Ушуга байланыштуу ата-эненин назарына төмөнкү кеңештерди сунуш кылабыз.

Оюнга болгон кызыгуусун арттыруу

Кичинекей бала убактысынын көпчүлүгүн оюн менен өткөрөт. Дал ошол оюн аркылуу ал дүйнө таанымын кеңейтет.

Көп китеп окуп берүү

Баланын кичинекейлигине карабай, ага көп-көп түрдүү китептерди окуп берген жакшы. Бала эчтеке билбегендей, укпаган сыяктуу отурушу мүмкүн. Бирок, андай эмес, баланын мээси сырттан келген бардык маалыматтарды кабыл алып турат. Ага сиз канчалык окуп берсеңиз, ошончолук сүйлөө аракети дагы көбөйөт.

Сөзгө көп тартуу

Баланы жооп бербей койду деп, аны менен сүйлөшпөй койгон туура эмес. Бала ар дайым өзүнө көңүл бурдуруп, мээримге муктаж болот. Ошондуктан, анын оюн угуп, баарлашып турган жакшы.

Чыгармачылык менен алектенүү

Балдардын чыгармачылык менен алкетенүүсү, алардын ой-чабытын өнүктүрөт. Сүрөт тартуу, чийүү жана башка. Өзгөчө балага бир жашка чейин айтканын улам кайталап, түшүндүрүү керек.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!