Балдар канча жаштан тарта уюлдук телефон колдонсо болот?

 Балдар канча жаштан тарта уюлдук телефон колдонсо болот?
14-Авг. 2019, Шаршемби, 15:28

Акылдуу телефондорду, планшеттерди жана гаджеттерди колдонууда балдардын жашы убакыт өткөн сайын түшүп жаткандыгын байкоого болот. Балдарга уюлдук телефон же ноутбук алып бериш үчүн эң ыңгайлуу жаш кайсы? Адистер ушул боюнча жооп издейт.

Ал ортодо адистер балдар мектепке барганда эле уюлдук телефондорду колдонсо болот десе, айрым эксперттер ал жаш өзгөчөлүк балдар үчүн эрте деген түшүнүктү карманышат.

11 жаштан төмөнкү балдарга эмне себептен уюлдук телефон сатып бербөө керек?

Көпчүлүк адистер он бир жаштан төмөнкү балдар, техникалык каражаттарды туура багытта колдонуу жөндөмдүүлүгүнө ээ эмес экендигин айтып келет. Башкача айтканда, балдар бул учурда Интернет жана виртуалдык жашоого туш келгенде, өздөрүн коргоп кала албастыгын эскертет.

Телефондорду колдонуу балдарга биротоло тыюу салыныш керекпи?

Бул суроого эксперттердин көпчүлүгү “Жок” деген жоопту карманып келет. Ал үчүн ата-энелер өздөрүнүн уюлдук телефонун балдарына бираз убакытка берип, бирок аларды көзөмөлгө алыш керектигин айтат. Мисалга, мектепке барган балдар күнүнө “Отуз мүнөт” планшет же уюлдук телефон колдонуу мүмкүнчүлүгүнө ээ.

Балдар каршылык көрсөткөндө эмне кылуу керек?

Балдар көпчүлүк учурда “Башка балдарда бар, а менде жок деп” ата-энесине даттанат эмеспи. Мындай абалды ата-энелер балдарына: “Техникалык каражат колдонуу үчүн, сенин жашың жете элек деп түшүндүргөн жакшы. Ошол эле учурда сен менин телефонумду белгилүү убакытка чейин колдоно аласын, деп айткандары оң”.

Эгерде балаңыз кичине жаштан тарта уюлдук телефон колдонгусу келсе, анда Интернети жок кадимкидей, жөнөкөй телефон сатып алып берсеңиз болот.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР