Банк кызматкери депозит эсебин ачууга 1,2 млн сом алган

Банк кызматкери депозит эсебин ачууга 1,2 млн сом алган
25-Сен. 2018, Шейшемби, 13:54

Экономикалык кылмыштарга каршы күрөшүү боюнча мамлекеттик кызмат (Финнансы полициясы) өлкөдөгү банктарынын биринин кызматкери тарабынан кызматтык абалынан кыянаттык менен пайдалануу жана алдамчылык фактысын аныктады. Бул тууралуу аталган мекеме “Zaman Kyrgyzstan” маалымат агенттигине кабаралды.

Ага караганда, 2016-жылдын октябрынан 2018-жылдын июнуна чейинки мезгилде “А.” банкынын аманат кассасынын башчысы “Ж.А.” аттуу жаран өзүнүн кызматтык абалынан пайдаланып, жарандардын ишенимине кирип алып, акча салымынын жасалма китептерин берүү менен депозиттин жасалма келишимдерин тариздеп, депозит эсептерин ачуу түрүндө 1 миллион сомдон көп суммадагы акча каражаттарын алган. “А.” банкынын жооптуу адамынын мыйзамсыз иш-аракеттеринин натыйжасында жарандарга жалпы суммасы 1 миллион 289 миң сом өзгөчө ири өлчөмдөгү зыян келтирилген. Ушул жылдын 18-сентябрында бул факт боюнча Кылмыш-жаза кодексинин 166 (алдамчылык), 221-беренелеринде (коммерциялык уюмдун кызматчысы кызматтык абалын кыянат пайдалануу) каралган кылмыштардын белгилери боюнча кылмыш иши козголгон. Азыркы убакта тергөө иштери жүрүп жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!