Быйыл бюджеттин эсебинен өлкөдө 315 чакырымдык жол курулду

Быйыл бюджеттин эсебинен өлкөдө 315 чакырымдык жол курулду
14-Окт. 2019, Дүйшөмбү, 11:53

Түндүк-Түштүк альтернативалык жолу боюнча долбоордун биринчи фазасындагы 150 чакырым жолдун 75 пайызы бүткөрүлдү. Бул тууралуу премьер-министр Мухаммедкалый Абылгазиев өткөргөн кеңешмеде Транспорт жана жол министрлигинин өкүлдөрү билдиришти.

Жолдун курулушунун экинчи фазасы 99 чакырымды түзөт жана учурда ал 79 пайызга бүтүп калды. 140 чакырымга барабар үчүнчү фазасынын курулушун 2022-жылы аяктоо пландалууда.

Транспорт жана жол министрлигинен кошумчалашкандай, 134 чакырымдык ички жолдорду курууга жана реаблитациялык иштерге республикалык бюджеттен 600 миллион сом бөлүндү. Быйыл бюджеттик каражаттардын эсебинен өлкөдө 315 чакырымдык жол курулган. Бул өткөн жылга салыштырганда 114 чакырымга көптүк кылат.

Мындан тышкары жыйында Ысык-Көл областына салына турган айланма жолдун, Талас-Тараз- Суусамыр унаа жолунун, Бишкектин түндүк тарабындагы айланма жолдун курулушуна даярдык көрүү маселелери да талкууланды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!