Жөө жүргүнчүлөр телефон пайдалана албайт

Жөө жүргүнчүлөр телефон пайдалана албайт
12-Май 2018, Ишемби, 14:38

Түштүк Кореялык уялдук телефон инспекторлору жөө жүргүнчүлөрдүн телефондорун кулпулап салууга арналган программа даярдады. Бул программа жөө жүргүнчүлөрдү күтүүсүз окуялардан коргоого жана алардын көңүлүн айлана-тегерекке оодарууга багытталган. Кибер коопсуздук аймагы деп аталган ("Cyber Security Zone") программалык камсыздоо смартфонду колдонуучу беш кадам таштаганда блоктоого киришет.

Комиссия мүчөлөрү бул жаңылыкты "смартфон зомбилерине каршы күрөшүү" деп аташты. Бул типтеги адамдардын көпчүлүгү смартфонга байланып калган жаш өспүрүмдөр түзөт. Алар жөө басып бара жатып көзүн телефондон албай түрдүү жол кырсыктарына учурап, жаракат алып жатышат. Түштүк Кореянын ичики иштер жана коопсуздук комитетинин маалыматы боюнча, акыркы беш жылда смартфондун кесепетинен жаракат алгандардын саны эки эсе өскөн. Алардын 40 пайызы 20 жашка чейинки жаш өспүрүмдөр.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!