"Google"дын акылдуу курткасы аркылуу такси чакырса болот

18-Май 2018, Жума, 15:07

2017-жылдын күз айынан баштап "Google" менен "Levi’s"тин смартфондорун башкарууга арналган "Jacquard" аттуу акылдуу күрмө сатыкка чыккан. Сырткы кийим смартфондогу обондорду башкарууга, коңгуроолорго жооп берүү мүмкүндүктөрүнө ээ эле.

Ал эми "Google" өзүнүн акылдуу кийимине дагы бир нече функцияны орнотту. Жаңыдан кошулган функция такси чакыруу, турган ордуңузду аныктоо сыяктуу мүмкүндүктөргө ээ. Программа жаңыланган "Jacquard platform 1.2"ге орнотулган. Эми куртканы кийип жүргөндөр "Uber"ге кошулуу, кыймылы тууралуу маалыматтарды мобилдик программа аркылуу биле алышат.


Акылдуу кийим унаа 3 мүнөттүк аралыкта келе жаткандыгы, дагы канча убакта келе алары тууралуу маалымат берип турат. "Bose Aware" деп аталган режим тегеректеги добуштарды колдонуучуга наушник аркылуу айтып турат. Аталган функция музыка угууга, машиналар менен адамдардын жакындап калган добуштарын угуп турууга жардам берет.

Курткадагы программа орнатулган түзүмдүн кубаты 1-2 күнгө жетет. Кийимди жуурдун алдында түзүмдү чечип алып коюңуз керек болот.

Ушул жылдын күз айында сатыкка чыга турган куртканын баасы 350 доллар.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!