«Facebook» жалган сүрөттөрдү текшерет

«Facebook» жалган сүрөттөрдү текшерет
14-Сен. 2018, Жума, 12:03

“Facebook” социалдык тармагы маалымдагандай, акыркы эки жыл бою баракчалардагы жалган маалыматтарды текшерип жатканын билдирди. Эми мындан ары текстеги фактыларды сканерлөөдөн сырткары, сүрөт жана видеолорду да текшерүүгө өтөт. Жаңы эрежелерди 17 өлкөнүн дүйнөлүк желе шериктештери алды. Алардын арасында Франциянын "France-Presse” жана америкалык “Associated Press” сыяктуу беделдүү маалымат агентикттери да бар.

-Дүйнө боюнча изилдөөгө негизделген жалган жаңылыктар ар түрдүү өлкөдө ар турдүү формада тараларын билебиз. АКШда элдер макалаларда көбурөк жалган маалымат бар экенин айтышса, ал эми Индонезияда көбүнчө адамды жаңылштыруучу сүрөттөрдү көрүшөрүн айтышат. Бирок бул категориялардын баары бири-биринен айырмаланбайт. Ошондуктан жалган материалдардан коргонуу текстерге гана эмес, сүрөттөр менен видеолор үчүн да жасалышы керек, - дейт “Facebook”тун менеджери Антония Вудфорд.

Күмөн жараткан материалдарды нейрондук желе аныктайт, андан кийин сүрөттөр менен видеолорду текшерүү тажрыйбасы бар дүйнөлүк желе шериктештерине дыкат изилдөөгө жиберилет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!