“Amazon” кассир жана сатуучусу жок 3000 дүкөн ачмакчы

“Amazon” кассир жана сатуучусу жок 3000 дүкөн ачмакчы
22-Сен. 2018, Ишемби, 10:05

Эң ири интернет дүкөнү болуп саналган “Amazon” 2021-жылга карата 3000дей чекене соода дүкөндөрүн жана тез тамактануучу жайларды ачмакчы. Ал жерде кассирлер жана сатучулар болбойт, сатып алуу иштерин смартфондогу тиркеме аркылуу жүргүзүлөт. Компаниянын пландары менен “Bloomberg” агенттиги тааншып чыкты

АКШда азыркы учурда бир нече “Amazon Go” дүкөндөрү иштеп жатат. Тесттик түрдө жургүзүлгөн сынакттардан кийин эң эле биринчи дүкөн Сиэтлде ачылган, андан соң Чикагодо.

Дүкөнгө кириш үчүн смартфондо атайы тиркеме болуш керек, аны санай турган тузүмгө жакындатуу кажет. Сатып алуулар текчелерде орнотулган сканерлер аркылуу ишке ашат. Алган товардан баш тартуу үчүн аны кайра ордуна коюп кою гана керек. Ал эми акча дүкөндөн чыккан кезде алынат.

Жакынкы убакта ушундай дүкөндөрдүн ачылышы тууралуу жаңылыктардан кийин америкалык эң ири ретейлеринин акциялары түштү. Мисалы, “Walmart” компаниясынын акциясы 0,6 пайыз, “Target” — 1,5 пайыз жана “Kroger” — 3,1 пайызга түшкөн.

Эскерте кетсек, ушул жылдын жай айында “Bloomberg” агенттиги “Amazon” компаниясынын негиздөөчүсү Джеффа Безосту тарыхтагы эң бай адам деп атаган. Анын байлыгы 150 миллиард долларды түзгөн. Ал эми компаниянын капиталы бир триллион доллардан ашкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!