Телефон көбүнчө эмнеден улам бузулат?

Телефон көбүнчө эмнеден улам бузулат?
24-Ноя. 2018, Ишемби, 14:55

Көбүнчө смартфондорду дисплейге байланыштуу көйгөйлөрдөн улам оңдоого алып барышат. Смартфондун экранын ар бир адам сындырып алса керек.

“SquareTrade” эксперттери америкалык колдонуучулардын смартфондорунун бузулуп калуусунун башкы себебин аныктап көрүштү. Түзүмдөрдө көпчүлүк учурда экранга байланыштуу көйгөйлөр келип чыгаары аныкталды.

Өткөн жылы америкалыктардын 66 пайызы өздөрүнүн смартфондорун сындырып алышкан. Көбүнчө дисплейге байланыштуу проблемалар чыккан: колдонуучулардын 29 пайызы экранды сындырышса, 27 пайызы сызып, чийип алышкан. Дагы 22 пайызы батареянын иштен чыгуусуна байланыштуу кайрылышкан.

Мындан сырткары смартфон көпчүлүк учурда жерге түшүп кеткенден да бузулат (74%). Дагы 49 пайызыныкы чөнтөктөн түшүп кеткен, 39 пайыздыкы –суу кирип кеткенден, ал эми 26 пайызы- унитазга түшкөн. Болжолдуу эсептөөлөр боюнча, өткөн жылы АКШда 50 миллион смартфон дисплейи сынган бул деген бир экран ар бир эки секунд сайын сынган дегенди билдирет. Оңдоп-түзөтүүнүн баасы болжол менен 3,4 млрд.долларды түзгөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!