Кытайлыктар бүт дүйнөнү бекер интернет менен камсыздайт

Кытайлыктар бүт дүйнөнү бекер интернет менен камсыздайт
18-Дек. 2018, Шейшемби, 12:49

Кытайдын “LinkSure Network” интернет-провайдери 2019-жылы “LinkSure №1” деп аталган жасалма спутник учурууну пландап жатышат. Ал аркылуу алар 2026-жылы бүтүндөй дүйнөнү бекер интернет кызматы менен камсыз кылууну көздөп жатышат.

Компания аталган жобону ишке ашыруу үчүн 272 жасалма спутникти космоско учурат. Ал үчүн 3 миллиард юань (431,1 миллион доллар) кетет.

«Бул планыбыз аркылуу Жер шарындагы бардык адамдарды, өзгөчө, өнүкпөй жаткан өлкөлөр менен адам буту жетпеген, жетүү кыйын болгон жерлерди интернет менен камсыздоону көздөп жатабыз», – деди компаниянын президенти.

Жакында гана “SpaceX” компаниясы АКШны бекер интернет менен камсыздоо үчүн АКШ федерал комиссиясынан 7518 жасалма спутникти учурууга уруксат алган эле. 3-декабрь күнү анын 64түн космоско ийгиликтүү алып чыкты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!