Кытайлыктар “3D” принтери аркылуу Айга имарат салышат

Кытайлыктар “3D” принтери аркылуу Айга имарат салышат
16-Янв. 2019, Шаршемби, 14:09

Кытай космос агенттигинин инженерлери “Чанъэ-4” спутниги менен Айдын аркы бетине ийгиликтүү конуп, изилдөөлөрдү жүргүзө башташкан. Алар үч өлчөмдүү (3D) басма технологияларын колдонуп Айдын бетинде база курулушун салууну пландап жатат.

Адистердин айтуусу боюнча, мындай курулуш келечекте Марста 3D принтеринин жардамы менен курулуш иштерине карата даярдык болот экен. Тактап айтканда, Айдагы курулуш ийгиликтүү болсо, анын кемчиликтерин эске алып, келечекте окумуштуулар Марс бетинде шаарларды курушмакчы.

Кытай инжерлери Айдагы курулушту ушул жылдын аягында, “Чанъэ-5” спутниги конгондон кийин баштай турганын маалымдаган. Кытай эксперттери аталган курулушту баштоо анча кымбат турбастыгын эсептеп чыгышкан. Мисалы, Айда бир үй тургузуу каражаты Жерде 1 чакырым туннель казуу каражаты менен тең экен.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!