"VOLVO" компаниясы алгачкы айдоочусуз автобусту чыгарды

6-Март 2019, Шаршемби, 12:26

Шведдердин “VOLVO” компаниясы Наньянск технологиялык университеттин жардамы менен алгачкы айдоочусу жок автобусту ойлоп чыгарышты. Бул тууралуу “Channel NewsAsia” кабарлады.

Журналисттердин маалыматына ылайык, узундугу 12 метрди түзгөн автобус түз жолдо алгачкы текшерүүдөн ийгиликтүү өттү. Жакынкы аралыкта аталган автобус шаар ичинде текшерүүдөн өтмөкчү. Ага эң көп 80 адам кирсе боло тургандыгы айтылат. Автобус GPS, датчик жана бир канча камералар менен камсыздалган.

Шаардык бийликтин айтуусунда, автобустар 2022-жылдан тарта колдонула баштайт.

Айдоочусуз башкарылган транспорттор учурдун эң керектүү талабы болуп саналат. Көптөгөн компаниялар элдерди жана жүк ташууга айдоочусу жок техникаларды ойлоп чыгаруу жолдорун издеп жаткан учур. Мисалга, Россия өлкөсү мындай технологияларды эгиндерди жыйноодо колдонууну максаттоодо.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР