“IPhone 8” смартфону кандай болот?

“iPhone 8” смартфонунун чыгарылчу күнү жакындаган сайын “iPhone 7”нин баасы түшүп жатат. "Алмафондун" жаңы нускасы элди эмнеси менен таң калтырат?

• Социалдык тармактарда “IPhone 8”дин сүрөттү да пайда болуп үлгүрдү. Анын эң биринчи өзгөчөлүгү – ийилгич OLED дисплейи.
• Жаңы “iPhone 8” биринчи үлгүлөрүнө караганда ичке, бирок көлөмү жагынан чоң болот. Тагыраак айтканда, экраны 5,8 дюйм. Дисплейдин рамкасы жок болот.
• Бардык корпусу айнектен гана турат.
• Смартфондун эс тутуму 256 ГБка чейин жетет.
• Телефон кош камералуу болот. 3D камеранын мүмкүндүктөрү пайда болот.
• Смартфон зымсыз кубат ала алат.
• Смартфондун суу өткөрбөгөн коргогучу жетинчи үлгүсүнө караганда жакшыртылат.
• “Applе” компаниясынын инженерлери “Home” баскычы болбойт деп айтышкан эле. 2007-жылдан бери бардык айфондорго өзгөчө роль аткаруучу баскычынын ордуна бардык функцияларды аткара алган сенсорлуу панель орнотулган.
• Эгер жаңы “iPhone” сенсорлуу панель аркылуу башкарылса, анда “Touch ID” функциясы болбойт деген сөз.
• Социалдык тармактарда да, колдонуучулардын арасында да “Apple”дин келээрки жаңылыгы тууралуу кызуу талкуулар жана талаштар жүрүп жатат. Аталган “iPhone 8” 2017-жылы жарыкка чыгаары күтүлөт.
Тегдер: сматрфон телефон “Applе” компаниясы “IPhone 8”
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!