Исаковду ферганалыктар шаң менен тосуп алды (фото)
Шаххан Мырзабеков
29-Март 2018, Бейшемби, 14:33
Бүгүн, 29-мартта премьер-министр Сапар Исаков Кыргызстан менен Өзбекстандын чектеш облус жетекчилеринин алгачкы кеңешине катышуу үчүн Фергана шаарына келди. Бул тууралуу өкмөттүн басма сөз кызматы кабарлады.
«Достук-автожол» көзөмөл-өткөрүү пункттунда Өкмөт башчыны Андижан облусунун губернатору Шухратбек Абдурахмонов тосуп алды.
Премьер-министр Сапар Исаков Кеңештин жыйынына катышуу алкагында Өзбекстандын премьер-министри Абдулла Арипов менен тар курамда жолугушту.
Жолугушуунун жүрүшүндө эки тараптык өз ара аракеттешүүнүн актуалдуу маселелери, ошондой эле эки өлкө ортосундагы чек-ара кызматташтыгын мындан ары дагы өнүктүрүү боюнча перспективалар талкууланды.
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
Окшош кабарлар
КӨП ОКУЛГАНДАР