Мэр жол куруу иштери менен таанышты (видео)

Мэр жол куруу иштери менен таанышты (видео)
15-Май 2018, Шейшемби, 12:26

Бишкек шаарынын мэри Албек Ибраимов жолду калыбына келтирүү жана курулуш иштери боюнча жеринен таанышып кайтты. Ал ошондой эле Бишкек мэриясынын капиталдык курулуш башкармалыгынын башчысы Н. Эшенбевге Медеров менен Токтоналиев көчөсүн байланыштырып турган көпүрөнүн курулушун тездетүүнү тапшырды. Объект ушул жылдын 31-августунда колдонууга берилиши керек.


Келечекте түштүк-батыш багытындагы Ахунбаев көчөсү “Арча-Бешик”, “Ак-Өргө”, “Ак-Ордо” жаңы конушун бириктирет.

"Ч.Айтматов проспектисине чейинки аралыгын куруу иштери 1-июнга чейин, бекитилген нөөмөтүнөн эрте бүтүрүү мүмкүнчүлүгү бар.
Айни көчөсү боюнча Псковская көчөсүнөн Ч.Айтматов проспектисине чейинки аралыгы 25-майга чейин бүтүрүлөт.
Алыкулов, Л. Толстой көчөлөрүндө ыкчам жүрүп жаткан иш темпи улантылат.
Ахунбаев көчөсүндөгү курулуш иштерине өзгөчө маани беребиз. Садырбаев (Бах) көчөсүнөн Чортеков көчөсүнө чейинки 2 км аралыктагы курулуш 15-июнга чейин бүтүрүлүп, жол ачылат. Тротуарларды куруу, ирригация түтүктөрүн коюу, жарыктандыруу боюнча даярдыктар жүргүзүлө берет" -деди А. Ибраимов.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!