​Мадаминов: “Модернизация Бишкек үчүн керек болгон”

​Мадаминов: “Модернизация Бишкек үчүн керек болгон”
16-Май 2018, Шаршемби, 16:50

Бүгүн, 16-майда Жогорку Кеңештин жыйынында Бишкектин Жылуулук электр борборундагы кырсыктын себебин жана аны модернизациялоого жумшалган 386 миллион доллардын чоо-жайын иликтеген депутаттык комиссиянын корутундусун талкуулап жатканда депутат Мурадыл Мадаминов ЖЭБ үчүн алынган акчадан жегендерди жер да көтөрө албастыгын айтты.

“Экинчи отурушта тең Кытайдан алынган 386 млн доллардын тегеригинде гана сөз кылып жатабыз урматтуу депутаттар жана экс-премьерлер. Жантөрө Жолдошевич Бишкек ЖЭБди 1996-жылы эле жаңылаш керек эле деп айтып жатат. Бирок, ал жөнүндө эч кимибиз сөз кылган жокпуз. Кышта Бишкектеги апанын ыйлаганын, сууктан ооруган балдар жөнүндө эч сүйлөй элек. Эки отурушта тең 386 млн доллардын 100 млн долларын ушулар жеп койду деп сөз кылуудабыз. Азыр жаңы Баш прокурор менен Коррупцияга каршы күрөшүү кызматына жаңы башчы келди. Силер 100 млнду тапкыла. Эгер силер тапсаңар Кыргызстандын баатыры болосуңар. Мен ойлоймун буларда кудайдан коруп жашаган адамдар болсо керек деп. 100 млнду жеп койсоңор силерди жер жүзүндө жүрүшүнөрдү жер да көтөрбөйт. Бул ЖЭБди модернизациялоо Бишкек үчүн керектүү. Ал стратегиялык проект. Ошон үчүн мен ойлойм да мурдагы президент менен азыркы президенттин ажырымын күчөтүү, ырбатыш үчүн жасалып жаткандай сезилип жатат”,- деди Мадаминов.

Эскерте кетсек, 26-январда Бишкек ТЭЦтин айрым жабдыктары убактылуу иштен чыккандыктан электр кубаттуулугу 350дөн 154 мегаваттка, суунун температурасы 84 градустан 62 градуска чейин төмөндөгөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!