​Депутат: "Беш өкмөт башчы келсе болмок"

​Депутат:
17-Май 2018, Бейшемби, 12:28

Бүгүн, 17-майда Жогорку Кеңештин жалпы жыйынында депутаттар Бишкектин Жылуулук электр борборундагы кырсыктын себебин жана аны модернизациялоого жумшалган 386 миллион доллардын чоо-жайын иликтеген депутаттык комиссиянын корутундусун талкуулап жатканда депутат Садык Шэр-Нияз жыйында мурдагы беш премьер-министрлер отурса болмок деп нааразы болду.

“Биз барын акыйкат, барын туура иш жүргүзө турган болсок, ТВЕА менен иш жүргүзө баштагандан бери беш премьер министр болду. Ошолордун баары отурса болмок. Мүмкүн кээ бирөөлөрү жүйөөлү себептен келе албашы мүмкүн. Бирок, ишенимдүү кишилери отурушу керек болчу. Андан кийин кызмат кылгандар кимдер? Вице-премьерлери отурушу керек болчу. Биз кантип, ушул ишти бары толук эмес отуруп, акыйкат алып барып жатабыз деп айта алабыз. Менин оюмча, биз антип айта албайбыз”,- дейт ал.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!