"Ак-Кеме" тасмасы кайра тартылат

17-Май 2018, Бейшемби, 13:30

Буга чейин "Ак-Кеме" тасмасы 1976-жылы тартылган. Тасма кайрадан жаңыланып тартыла турганы маалым болду. Тартуу иштери август айларында башталат. Режиссёру Артык Сүйүндүков жаңы «Ак Кеме» тасмасы тууралуу кабарлады.

"Бул долбоор азыр ойлонуп табыла калган нерсе эмес. Кеминде 20 жылдан бери бышырып жүргөм. Чыңгыз Айтматов көзү тирүүсүндө сүйлөшүп, тасманы жаңы тартуу идеясын сунуштагам. Түркиядан Кара деңиздин боюнан тарталы деген ойдо болчубуз, бирок тилекке каршы каражат маселеси чечилбей келген. Азыр бул маселе чечилди, тасманы "Кыргызфильм" тартат. Мазмуну, идеясы ошол боюнча калат, бирок заманбап кылып өзгөртөбүз. Жомоктун өзөгү Алтай тараптан тартабыз дагы, туман, карагай сыяктуу жерлерин Түркиядан тарталы деген ойдобуз. Калганы өзүбүздүн жерибизден тартылат,"-деди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!