Шыкмаматов: "386 млн долларга ким чыгарганын табалы"

Шыкмаматов:
17-Май 2018, Бейшемби, 13:58

Бүгүн, 17-майда Жогорку Кеңештин жалпы жыйынында депутаттар Бишкектин Жылуулук электр борборундагы кырсыктын себебин жана аны модернизациялоого жумшалган 386 миллион доллардын чоо-жайын иликтеген депутаттык комиссиянын корутундусун талкуулап жатканда депутат Алмамбет Шыкмаматов эл аралык келишимди эки министрлик жүргүзгөнүн айтып чыкты.

“Бул эл аралык келишимди ким түзгөн. Долбоорун ким макулдашкан. Бул Тышкы иштер министрлиги менен финансы министрлиги. Бул Сапар Исаковдун комибинетинен чыккан долбоор. Ал эми Юстиция министрлиги бул кредит керек деген келишим кагаз берген. Бешимов берген да, көз карандысыз дегенди ал жалгыз ушул эле жерден берген эмес. Ар бир кредиттик макулдашууга берилет. Анткени, биз ратификация кылган “Эксимбанк” менен канча кредиттик макулдашуу болсо, ошонун барында бир эле талап бар. Кандайдыр бир талаш Гонконгдун сотунда каралат деген. Ошондуктан сөздү башка жакка бурмалабайлы. Бүгүнкү маселе 386 млн долларга ким чыгарганын ошону табалы”,- дейт Шыкмаматов.

Айта кетсек, 2013-жылы Кыргызстан Кытайдын “Эксимбанкынан” 386 миллион доллар насыя алууну макулдашкан. Бишкек ЖЭБди модернизациялоо ишин кытайлык ТBЕА компаниясы жүргүзгөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!