Тоо кен тармагында абал оор бойдон калууда

Тоо кен тармагында абал оор бойдон калууда
17-Май 2018, Бейшемби, 15:05

Бүгүн “Тоо-кен казып алуу тармагындагы кырдаал: көйгөйлөр жана аны өнүктүрүү келечеги” аталышындагы маалымат жыйын болуп өттү. Ага профессор: Тажибаев Кушбакалы; “Тоо кен өнөр жайы жана геологдор” ассоциациясынын президенти Орозбек Дүйшеев; анын биринчи орун басары Камчыбеков Дүйшөнбек; Тоо кен инженери Юрий Доставлов катышты.

.Жыйында “Тоо кен тармагы Кыргызстандын, элдин байлыгы болуп эсептелинет. Кен байлыктардын жетиштүү экендигине байланыштуу 70-80 жылда кыргыз өлкөсү абдан көтөрүлдү, экономикасы өстү. Кыргызстан 15 союздук өлкөнүн ичинен 4-5-орунда болгонбуз. Демек тоо-кен тармагы Кыргызстандын келечеги. Эгемендикти алган бери ушул маселеге көңүл бурулбагандыктан бүгүнкү күнү тоо-кен тармагынын абалы өтө оор. Мына ушуга байланыштуу 1996-жылы Кыргызстанда “Тоо кенчилер ассоциациясы”деген уюм түзүлгөн” – деди Тоо кенчилер ассоциациясын президенти Орозбек Дүйшеев.

Жыйындын уюштуруучулары 2040-жылга чейинки түзүлгөн улуттук стратегияга өзүнүн төмөнкүдөй сунуштарын киргизди:1-Тоо-кен тармагында негизги болуп эсептелген Кыргыз республикасынын “Жер казынасы” мыйзамына өзгөртүү;

2- Тоо-кен тармагынын өзгөчөлүгүн, өзгөчөлүгүн эске алып жана дүйнөлүк тажрыйбаны колдонуп, Конституциянын талаптарын (15-бер. 5-п.) ишке ашыруу максатында бирдиктүү адистештирилген башкаруу структурасын түзүү;

3-Илим жана өндүрүштүн интеграциясына кенен жол ачып, биргелешип иштөөгө шарт түзүү;

4-Кадларды тандоо маселеси.

Өз кезегинде Дүйшөнбек Камчыбеков “Жер казынасы” мыйзамында бир катар карама каршылыктар бар экенин айтып, “ Компанияга бир нече лизенцияларды берсе болот деп атат. Мисалы, Миң-Куш жергесиндеги көмүр өндүрүүчү жайды айтсак болот. Лицензины көмүр иштетүүгө берсе, башка бир компанияга көмүр кенинин ичинен уранды изилдөөгө лицензия берип атат. Бул эки компнаиянын ортосундагы карама-каршылыкты алып келет” деди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!