Жээнбеков: "Россия менен кызматташтыкты чыңдай беребиз"

Жээнбеков:
12-Июнь 2018, Шейшемби, 16:51

Президент Сооронбай Жээнбеков Россиянын президенти Владимир Путинге Россиянын күнүнө байланыштуу куттуктоо жолдоду. Бул тууралуу бүгүн, 12-июнда президенттик аппараттан кабарлашты.

«Россиянын мамлекеттик эгемендүүлүгү жөнүндө Декларациясы кабыл алынган күндөн тартып өлкө мамлекеттик курулуш, социалдык-экономикалык өнүгүү жана элдин турмушун жакшыртуу боюнча олуттуу ийгиликтерге жетише алды.

Сиздин акылман жана тең салмактуу саясатыңыздын натыйжасында бүгүнкү күндө Россия эл аралык аренада кадыр-баркка ээ жана күчтүү держава болуп саналат.

Кыргызстан эки өлкө ортосундагы союздаштыкты жана стратегиялык өнөктөштүктү кеңейтүүгө жана тереңдетүүгө, ошондой эле евразия мейкиндигинде интеграциялык процесстерди бекемдөөгө артыкчылыктуу маани берет.

Биздин элдерибиздин жыргалчылыгы үчүн Кыргызстан менен Россиянын ортосунда өз ара пайдалуу кызматташтыкты биргелешип улам чыңдай беребиз деп ишенем», — деп айтылат куттуктоо телеграммасында.

Президент Сооронбай Жээнбеков Президент Владимир Путинге чың ден-соолук, бакубатчылык жана алдыга коюлган пландарды ишке ашырууда мындан аркы ийгиликтерди, ал эми достук мамиледеги Россия элине — тынчтык жана гүлдөп өнүгүү каалады.

Эскерте кетсек, Президент Сооронбай Жээнбеков 14-июнда Россиянын президенти Владимир Путиндин чакыруусу боюнча иш сапар менен Москвага барат. Сапардын алкагында мамлекет башчысы Москвада 14-июнда футбол боюнча Дүйнөлүк чемпионаттын ачылыш аземине катышат. Ошондой эле Жээнбеков менен Путиндин эки тараптуу кызматташуунун маселелерин талкуулаган эки тараптуу жолугушуусу күтүлүүдө.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!