Абылгазиев Кыргызстандын позициясы жакшырганын айтты

Абылгазиев Кыргызстандын позициясы жакшырганын айтты
14-Июнь 2018, Бейшемби, 12:22

Бүгүн, 14-июнда Жогорку Кеңештин жыйынында бир жайым ай мурда куралган премьер-министр Мухаммедкалый Абылгазиев башында турган өкмөт мурдагы өкмөттүн 2017-жылы жасаган иштери тууралуу отчет берип жатат.

Жыйында Абылгазиев баяндама жасап жатып, өкмөт 2017-жылы “Ишеним жана биримдик” жана “Жаңы доорго кырк кадам” программаларынын негизинде иш алып барганын айтты. Ошондой эле ал программалардын аткарылышы 90,1 пайызды түзгөнүн кошумчалады.

“Отчет боюнча эки нерсени баса белгилеп кетким келет. Биринчи 2017-жылдагы иштердин негизги өзөгү “Ишеним жана биримдик” программасында белгиленген иштер түздү. Экинчиден, жылдын аягына чейин аткарылган иштердин баары 2016-жылдын 30-ноябрында сиздер бекиткен 2017-жылдын бюджетинин алкагында аткарылды. Отчетту өкмөт жаңы форматта түзүп, ага ылайык эл аралык рейтингтер боюнча өлкөнүн позициясы 2016-жылга салыштырмалуу 1,5 пайызды түздү. Биринчи бул бизнес жүргүзүү боюнча “Doing Business” индекси боюнча Кыргызстан эки позициясын жоготту же 75 орундан 77 орунга түшкөн. Мында электр энергиясына кошулуу, салык системасын администрациялоо, контрактарды аткарууну камсыз кылуу сыяктуу бир нече көрсөткүчтөр бар. Ушулар боюнча бизде көрсөткүчтөр төмөн болду. Бирок, 2017-жылы төлөмгө жөндөмсүздү чечүү боюнча 11 пайызга, кредиттерди алуу боюнча 3 пайызга позицияларын жакшыртканы байкалды. Экономикалык эркиндик рейтинги боюнча Кыргызстан өзүнүн позициясын 11 пайызга көтөрүлгөн же 89 орундан 72 оруннга чыккан. Глобалдык атандаштыкка жөндөмдүү индекси боюнча өлкөнүн позициясы 9 пайызга жакшырып, 111 орундан 102 орунга чыккан”,- дейт Абылгазиев.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!