Боронов: "Бензиндин баасынын көтөрүлүшүнө жол бербешибиз керек"

Боронов:
18-Июль 2018, Шаршемби, 14:50

Кыргыз Республикасынын биринчи вице-премьер-министри Кубатбек Боронов күйүүчү-майлоочу майлардын бааларын турукташтыруу маселеси боюнча кеңешме өткөрдү. Бул тууралуу Өкмөттүн маалымат кызматы маалымдады.

«КММ баасынын өсүүсү калкта мыйзам ченемдүү тынчсызданууну жаратат. Бензиндин баасынын көтөрүлүшү көптөгөн кызматтардын жана товарлардын, анын ичинде азык-түлүктөрдүн кымбатташына алып келет. Биз КММ баасынын кескин көтөрүлүшүнө жол бербешибиз керек», – деди вице-премьер-министр Кубатбек Боронов.

Кеңешменин жүрүшүндө Кыргыз Республикасынын Өнөр жай, энергетика жана кен иштетүү мамлекеттик комитетинин төрагасынын орун басары Орозбек Алымбеков республикадагы КММ рыногундагы учурдагы кырдаал тууралуу маалымат берди.

КММ баасынын негизги өсүүсү 2018-жылдын май айынын аягында июндун башында жүргөн. 2018-жылдын июнунун экинчи жарымынан баштап баанын өсүшү байкалган эмес. Республикабызга мунайзат продуктуларынын көп бөлүгү ташылган Россияда мунайзат продуктуларынын дүң баасынын кескин жогорулашы бир катар факторлорго байланыштуу. Алардын башкысы – мунайзатка дүйнөлүк баанын өсүүсү. Мунайзат сырьесуна баанын дээрлик үзгүлтүксүз өсүүсү азыркы мезгилге чейин уланууда. Май-июнда эле алар 9-10 пайызга өсүп, акыркы 3,5 жылда биринчи жолу 80 долларрдан жогору көтөрүлгөн.

Муну менен бирге Кыргыз Республикасынын Өнөр жай, энергетика жана кен иштетүү мамлекеттик комитетинин төрагасынын орун басары Орозбек Алымбеков белгилегендей, майдын чекене баасынын өсүүсүн жыл башынан бери байкалган россиялык мунайзат кайра иштетүү заводдорунда дүң чыгаруу бааларынын ырааттуу өсүүсү шарттаган.

«Эгерде үстүбүздөгү жылдын январынан июнга чейин россиялык рынокто баалардын өсүүсү орточо 6 пайыз болсо, май-июнда дүң баалар 30 пайызга чейин көтөрүлгөн. Үстүбүздөгү жылдын 6 айында КММ чекене бааларынын өсүү тенденциясы байкалган. Ошону менен бирге 2018-жылдын январь-июнунда республикага 234 миң тонна автомобиль бензини жана 270,5 миң тонна дизелдик отун импорттолгон», – деп билдирди Орозбек Алымбеков.

Биринчи вице-премьер-министр Кубатбек Боронов Антимонополдук жөнгө салуу мамлекеттик агенттигине КММ бааларынын кырдаалын көзөмөлгө алууну жөндөөнү тапшырды.

«Республиканын аймактарында КММ рыногунда, анын ичинде бензиндин бардык маркаларынын жана дизелдин чекене баасын кошуп туруктуу негизде мониторинг жүргүзүү керек. Аны менен бирге бааларды түздөө жана КММ баасынын кескин өзгөрүүлөрүнө жол бербөө саясатын улантуу керек», – деп белгиледи ал.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Шайлоо: Атаандаш талапкерлер кол алышкан жок
Шайлоо: Атаандаш талапкерлер кол алышкан жок
Apple жетекчилери 20 долларлык Samsung көтөрөт
Apple жетекчилери 20 долларлык Samsung көтөрөт
Шайлоодо жаңылганына жаза катары сөөмөйүн кести
Шайлоодо жаңылганына жаза катары сөөмөйүн кести
Кубанычбек Кулматов судьяны тамашага салды (видео)
Кубанычбек Кулматов судьяны тамашага салды (видео)
Асема Токтобековага көз артып, ушактаган ким?
Асема Токтобековага көз артып, ушактаган ким?
Сьездбек Искеналиев: “Өзүмө аябай жагат, бирок бааланбай калды...”(видео)
Сьездбек Искеналиев: “Өзүмө аябай жагат, бирок бааланбай калды...”(видео)
Соода айырбаштоо жолу менен жүрөт
Соода айырбаштоо жолу менен жүрөт
Мирбек Атабековдун аялы Мээрим: ”Биз сени ушунчалык күткөн элек...”
Мирбек Атабековдун аялы Мээрим: ”Биз сени ушунчалык күткөн элек...”
Путиндин лимузининин жасалгасыз көрүнүшү (видео)
Путиндин лимузининин жасалгасыз көрүнүшү (видео)
Ошто
Ошто "​Ош-Түрк дүйнөсүнүн маданий борбору" аттуу иш-чара өтүүдө
Жээнбеков Индиянын жана Пакистандын президенттерине көңүл айтты
Жээнбеков Индиянын жана Пакистандын президенттерине көңүл айтты
​Бүгүн Орусияда UFCнын экинчи мелдеши башталат (видео)
​Бүгүн Орусияда UFCнын экинчи мелдеши башталат (видео)
​Месси Чемпиондор лигасынын аптадагы эң мыкты футболчусу аталды
​Месси Чемпиондор лигасынын аптадагы эң мыкты футболчусу аталды
Мамкаттоо кызматынын төрайы Алина ​Шаикова кызматтан бошотулду
Мамкаттоо кызматынын төрайы Алина ​Шаикова кызматтан бошотулду
Айдоочусу болбогон кемелердин флоту түзүлөт
Айдоочусу болбогон кемелердин флоту түзүлөт
Мамлекеттик социалдык тапшырык алкагында 1000 бала бала бакчага барат
Мамлекеттик социалдык тапшырык алкагында 1000 бала бала бакчага барат