Иштебеген адам үчүн 644 миң сом айлык берилген

Иштебеген адам үчүн 644 миң сом айлык берилген
10-Авг. 2018, Жума, 16:06

Араван районунда иштебеген адам үчүн мыйзамсыз айлык жазып, акчаны өздөрүнө алып тургандарга карата кылмыш иши козголду. Бул тууралуу 9-августта Башкы прокуратуранын басма сөз кызматы билдирди.

Маалыматка караганда, Араван райондук Кадр жана кыймылсыз мүлккө болгон укукту каттоо департаментинин жооптуу кызматкерлери 2015-2018-жылдар аралыгында иштебеген адам үчүн мыйзамсыз айлык акы жазып турушкан. Жыйынтыгында мамлекетке 644 миң 167 сом зыян келтирилген.

Андан тышкары аталган райондогу мамлекеттик каттоо кызматынын башкармалыгы жана Анаров айыл өкмөтүндөгү жооптуу кызматкерлер Кайрагач-Арык айылындагы жер тилкеси убактылуу ижарага берилгенине карабай аны менчикке өткөрүп жиберишкен. Бул фактылар боюнча Ош облустук прокуратурасы тарабынан "кызмат абалынан кыянаттык менен пайдалануу" жана "Жер мыйзамын бузуу" беренелери боюнча кылмыш иши козголгон. Учурда жогорудагы фактылар боюнча тергөө иштери жүрүүдө.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!