ДКО: 20 мүнөттүк ролик тартууга 3,5 млн. сом сарпталат

ДКО: 20 мүнөттүк ролик тартууга 3,5 млн. сом сарпталат
11-Авг. 2018, Ишемби, 11:26

III Бүткүл дүйнөлүк көчмөндөр оюндарынын ачылышы жана жабылыш аземдери үчүн ролик даярдоого Маданият, маалымат жана туризм министрлиги 3,5 миллион сом коротот. Бул тууралуу мамлекеттик сатып алуулар порталы жазып чыкты.

Маалыматка ылайык, конкурсту уткан компания режиссер, адистер, операторлору менен 20 мүнөттүк ролик тартышы керек. Ролик кумдуу жээкте, талаада, Хан-Теңир чокусунда тартылат. Ага 40 каскадёр катышат. Ролик театралдашкан оюндар менен коштолуп, ипподромдогу оюндар коюлган учурда көрсөтүлөт. Анын мазмуну Көчмөндөр оюндарынын башкы режиссеру менен макулдашылат.

Съемкага 40 каскадер катышат.

Белгилей кетсек, III Дүйнөлүк Көчмөндөр оюндары 2-8-сентябрь күндөрү Чолпон-Атада өтөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!