Алмаз Кененбаев жаңы кызматка дайындалды

 Алмаз Кененбаев жаңы кызматка дайындалды
17-Авг. 2018, Жума, 15:49

Алмаз Кененбаев Президенттик аппараттын жетекчисинин биринчи орун басары болуп дайындалды. Бул тууралуу бүгүн, 17-августта президенттик аппараттан билдиришти.

Маалыматка караганда, тиешелүү жарлыкка президент Сооронбай Жээнбеков кол койгон.

Эскерте кетсек, буга чейин Досалы Эсеналиев президенттик аппараттын жетекчисинин биринчи орун басары болуп эмгектенип келген. Ал бүгүн, 17-августта президент Сооронбай Жээнбеков кол койгон жарлыгына ылайык, мурда ээлеген кызматынан бошотулуп, президенттик аппараттын жетекчиси болуп дайындалды.

Ал эми Алмаз Кененбаев буга чейин Бишкек шаардык кеңештин төрагасы болчу. Ал 1976-жылы 6-июнда туулган. Үч жогорку билими бар: Кыргыз улуттук университетин "бухгалтердик эсеп", "юриспруденция" жана Президенттин алдындагы башкаруу академиясын "менеджмент" кесиби боюнча аяктаган.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!