Кара куурайларды жок кылуу иштери жүргүзүлдү (фото)

Кара куурайларды жок кылуу иштери жүргүзүлдү (фото)
18-Авг. 2018, Ишемби, 11:47

16-август күнү Аламүдүн районунун аймагында жапайы кара куурай өсүмдүктөрүн жок кылуу иш-чарасы өттү. Бул тууралуу Чүй ОИИБнын маалымат кызматы кабарлады.

Маалыматка караганда, аталган иш-чарага Аламүдүн районунун ички иштер бөлүмү, жергиликтүү бийлик органдары жана жергиликтүү тургундар катышкан. Рейд учурунда Аламүдүн районунун Озерное айылы тарабында жапайы кара куурай көп өскөн жерлерде, Маевка айылындагы айланма жолдордун жээгинде өскөн 2,5 га жердеги кара куурайлар жок кылынып, болжол менен 3 тоннага жакын кара куурайлар өрттөлдү. Милиция кызматкерлери жергиликтүү тургундарга баңгизатын камтыган өсүмдүктөрдү өстүрүүдө мыйзам чегинде жоопкерчилик каралганын эскертип, түшүндүрүү иштерин жүргүзүштү.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!