Улан Саляновдун өлүмүнө шектүү үчүнчү жаран кармалды (видео)

Улан Саляновдун өлүмүнө шектүү үчүнчү жаран кармалды (видео)
12-Сен. 2018, Шаршемби, 15:09

Ички иштер министрлиги экс-башкы прокурор Аида Салянованын иниси Улан Саляновдун өлүмү боюнча кылмыш ишине шектелгендердин бардыгын кармалганын маалымдады.

Эске сала кетсек, 2017-жылдын 6-ноябрь күнү түнкү саат 01:30 чамаларында Чүй облусунун Аламүдүн районунун Көк-Жар айылында жайгашкан үйгө күңүрт кийинген белгисиз бет капчан үч адам кирип келишкен. Конокторду тосуучу бөлмөдөн үйдүн кожоюну 1975-жылы туулган Улан Саляновго ок чыгарышып, окуя болгон жерден изин жашырып качып кетишкен. Ок атуудан алган жаракатынын кесепетинен ооруканага бара жатканда Улан Салянов каза болгон.
Аталган факты боюнча Кылмыш-жаза кодексинин 97-беренесинин 2-бөлүмүнүн 14-пункту боюнча (адам өлтүрүү) кылмыш иши козголгон. Ал эми кийинки иликтөө ишин уюштуруу Ички иштер министрлигинин тергөө кызматына тапшырылган.

2018-жылдын августунда Екатеринбург шаарынын аймагында бирдиктүү ыкчам-иликтөө иш-чараларын жүргүзүү учурунда изделип жаткан 1988-жылы туулган Насруллаев Заурдун жүргөн жери аныкталып, кармаган учурда күнөөсүн толугу менен моюнуна алган. Насруллаев Заур Россиянын жараны болуп саналат.

Россия Федерациясынын компетентүү органдарына жогоруда көрсөтүлгөн жаранды экстрадициялоо боюнча тиешелүү материалдар жөнөтүлдү.
Оперативдик тасма Кыргыз Республикасынын ИИМдин КМК тарабынан берилип, Москвада Асанэмир Абыкулов күнөөсүн толугу менен моюнуна алып, көрсөтмө берген учуру тартылган.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!