Абылгазиев: "Билим аркылуу атаандаштык түзө алабыз"

Абылгазиев:
14-Сен. 2018, Жума, 10:03

Кечээ, 13-сентябрда премьер-министр Мухаммедкалый Абылгазиев Ош облусунун Ноокат районунун Ынтымак айылындагы орто мектептин ачылышына катышты. Бул тууралуу өкмөттүн басма сөз кызматынан кабарлашты.

Мекептин ачылыш салтанатында Мухаммедкалый Абылгазиев:«Дүйнөлүк рынокто биз билим аркылуу атаандаштык түзө алабыз, ал өлкөнүн өнүгүүсүнө жана күчтүү болуусуна таяныч болот», – деп айтты.

Өкмөт башчы белгилегендей, билим берүү тутумун өнүктүрүү маселеси президентин тыкыр көзөмөлүндө турат.

«Бүгүн ачылып жаткан мектептер жабдылышы жана окутуу шарттары боюнча шаардык мектептерден кем калышпайт. Аталган мектеп республиканын башка билим берүү мекемелери сыяктуу эле Интернетке кошулат», – деди Абылгазиев.

Премьер-министр билдиргендей, республикалык бюджеттен билим берүү секторуна 30 млрд сомдон ашуун каражат бөлүнүүүдө.

«Биздин республика көмүртек түрүндөгү жаратылыш байлыктарына ээ эмеспиз. Биздин башкы байлыгыбыз – бул адамдар. Дүйнөлүк рынокто өлкөбүздүн өнүгүүсүнө жана анын күчтүү болуусуна көмөк берген билим аркылуу гана атаандаша алабыз. Дал ошондуктан ата-энелер балдарынын билим алуусунун маанилүүлүгүн түшүнүүсү зарыл. Статистика боюнча, бизде ата-энелери келечегин ойлобостон, жумушка тартылган 1000ден ашуун бала бар», – деп кайрылды Өкмөт башчы чогулгандарга.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!