Сания Шакированын өлүмүнө шектүү жаран 10 жылга соттолду

Сания Шакированын өлүмүнө шектүү жаран 10 жылга соттолду
14-Сен. 2018, Жума, 12:12

Ысык-Көл райондук соту Сания Шакированын өлүмүнө шектүү жаранга карата чечим чыгарды. Бул тууралуу райондук прокуратурадан билдиришти.

Маалыматка караганда, сот Чыңгыз Кондурбаевди күнөөлүү деп таап, аны 10 жылга эркинен ажыратты.

Эскерте кетсек, 3-июндун түнүндө Ысык-Көлдүн Чок-Тал айылында айдоочу рулду башкара албай автоунаа мүрзөнү барып сүзүп, салондун ичиндеги Сания Шакирова каза тапкан.
Айдоочунун кырсык болгон учурда мас экени аныкталып, эки айга камакка алынган. Ал эми Ички иштер министрлиги унаанын айдоочусу ИИМдин Атайылаштырылган коргоо кызматынын башкы башкармалыгынын Октябрь району боюнча мурдагы жетекчиси Азрет Кондубаевдин уулу экендигин тастыктаган. Шакированын артында үч баласы калгандыгы айтылып, айыпталуучуга жол кырсыгын жасагандыгы үчүн эки миллион сомдук доо артылган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!