Жумабеков ТүркПАга мүчө-өлкөлөрдүн жыйынына катышты

Жумабеков ТүркПАга мүчө-өлкөлөрдүн жыйынына катышты
9-Окт. 2018, Шейшемби, 13:41

Жогорку Кеңешинин төрагасы Дастанбек Жумабеков башында турган парламенттик делегация Түрк тилдүү мамлекеттердин Парламенттик Ассамблеясына мүчө-өлкөлөрдүн парламент жетекчилеринин бейформал жыйынына катышты. Бул тууралуу бүгүн, 9-октябрда Жогорку Кеңештин басма сөз кызматы билдиришти.

Жыйынга Түркия, Азербайжан, Казакстан парламенттеринин жетекчилери да катышты. Тараптар үстүбүздөгү жылдын ноябрь айында Түркиянын Измир шаарында өтүүчү ТүркПАнын тогузунчу пленардык жыйынына карата даярдык маселелерин талкуулады.

Эске сала кетсек, Түрк тилдүү мамлекеттердин Парламенттик Ассамблеясы (ТүркПА) 2008-жылдын 21-ноябрында Азербайжан, Казакстан, Кыргызстан жана Түркия парламенттеринин жетекчилери кол койгон Стамбул келишиминин негизинде түзүлгөн. ТүркПА түрк тилдүү мамлекеттердин орток тил, тарыхый жана маданий биримдигине негизделген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!