Финансы полициясы ишкерлерге мыйзамсыз кийлигишүүсүн Россия менен бирге коргойт

Финансы полициясы  ишкерлерге мыйзамсыз кийлигишүүсүн Россия менен бирге коргойт
9-Окт. 2018, Шейшемби, 18:33

9-октябрда Экономикалык кылмыштарга каршы күрөшүү боюнча мамлекеттик кызматтын төрагасы Бакир Таиров Россия Федерациясынын Ички иштер министрлигинин өкүлү, Россия Федерациясынын Кыргыз Республикасындагы элчилигинин кеңешчиси Владимир Лузганов менен жолугушту. Бул тууралуу мекеменин басма сөз кызматы “Zaman Kyrgyzstan” маалымат агенттигине кабаралады.

Жолугушуунун алкагында ЭККМКнын төрагасы укук коргоо органдарынын системасын реформалоону ишке ашырууда финансы полициясынын иш-милдеттери бир кыйла кеңейип, жоопкерчилик көбөйгөндүгүн айтты. Муну менен бирге азыркы күндө кызматтын башкы милдеттеринин бири республиканын ишкерлерин мыйзамсыз кийлигишүүдөн коргоо жана бизнес, өлкөгө инвестициянын келүүсү үчүн максималдуу жакшы шарттарды түзүү болуп саналаарын айтты. Бакир Таиров Экономикалык кылмыштарга каршы күрөшүү боюнча мамлекеттик кызмат менен Россия Федерациясынын Ички иштер министрлигинин экономикалык кылмыштарга каршы күрөшүү чөйрөсүндө активдүү кызматташуусу Кыргыз Республикасынын да, Россия Федерациясынын да жарандарынын кызыкчылыктарын коргоону камсыздай алат деп белгилеп өттү. Өз кезегинде Владимир Лузганов ЭККМКнын демилгесин колдоп, макулдугун билдирди, бул Кыргыз-Россия мамилелерин бекемдөөгө жаңы кадам экендигин, мында эки тууган өлкөлөрдүн жакшы инвестициялык чөйрөсүн түзүү жана ишкерлерди коргоо маселелерине жардам боло тургандыгын белгилей кетти.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!