Душанбеде Абылгазиев менен Расулзада жолугушту

Душанбеде Абылгазиев менен Расулзада жолугушту
11-Окт. 2018, Бейшемби, 17:35

Душанбеде өкмөттүк резиденцияда Кыргызстан менен Тажикстандын өкмөт башчылары Мухаммедкалый Абылгазиев менен Кохир Расулзада жолугушту. Бул тууралуу бүгүн, 11-октябрда өкмөттүн басма сөз кызматынан кабарлашты.

Жолугушууда Абылгазиев соода-экономикалык алакалар тууралуу айтып жатып билдиргендей, статистика былтыркы жылдын алты айына салыштырмалуу товар алмашуу дээрлик эки эсеге өскөндүгүн көрсөтүп турат.

Өз кезегинде Кохир Расулзода Кыргызстандан келген кесиптештерин көргөндүгүнө жана ШКУнун алкагында айрым маселелерди талкуулоого мүмкүндүк түзүлгөндүгүнө кубанычта экендигин билдирди.

Эске сала кетсек, премьер-министр Мухаммедкалый Абылгазиев бүгүн Шанхай кызматташтык уюмуна мүчө-өлкөлөрдүн Өкмөт башчылар кеңешинин кезектеги жыйынына катышуу үчүн Душанбе шаарына учуп келген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!