Абылгазиев Тажикстандын президенти менен жолугушууга катышты

Абылгазиев Тажикстандын президенти менен жолугушууга катышты
12-Окт. 2018, Жума, 14:34

Премьер-министр Мухаммедкалый Абылгазиев Шанхай кызматташтык уюмуна мүчө-өлкөлөрдүн делегация башчылары менен бирге Тажикстандын президенти Эмомали Рахмон менен жолугушууга катышты. Бул тууралуу бүгүн, 12-октябрда өкмөттүн басма сөз кызматынан билдиришти.

Президент Эмомали Рахмон алдыдагы жыйындын катышуучулары менен жылуу саламдашты.

«Биздин Уюм эл аралык мамилелердин заманбап тутумунун таасирдүү катышуучуларынын бири катары чыгаарын белгилөө кубанычтуу. Теңдик жана өз ара сыйга, ишенимге жана бардык тараптардын кызыкчылыктарын эске алууга негизделген кызматташтык – бул биздин узак мөөнөттүү жана бекем алакаларыбыздын негизи», – деп белгиледи ал.

Рахмон ШКУ мүчө-өлкөлөрдүн делегация башчыларына жемиштүү иш жана алдыдагы жыйынды ийгиликтүү өткөрүүнү каалады.

Жолугушуунун катышуучулары Шанхай кызматташтык уюмунун алкагында соода-экономикалык, илимий-техникалык жана маданий-гуманитардык кызматташуунун абалын жана келечектүү өнүктүрүүнү талкуулашты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!