Элчи Кылычбек Султан кызматынан бошотулду

Элчи Кылычбек Султан кызматынан бошотулду
12-Окт. 2018, Жума, 16:46

Кыргызстандын Кореядагы атайын жана ыйгарым укуктуу элчиси Кылычбек Султан кызматынан бошотулду. Бул тууралуу бүгүн, 12-октябрда президенттин аппаратынын маалыматтык саясат бөлүмүнөн билдиришти.

Маалыматка ылайык, тиешелүү жарлыкка президент Сооронбай Жээнбеков кол койгон.

Эскерте кетсек, президент Сооронбай Жээнбековдун тапшырмасы менен Коопсуздук Кеңешинин катчылыгы Кыргызстандын Кореядагы атайын жана ыйгарым укуктуу элчиси Кылычбек Султандын билдирүүсүндө айтылган фактыларды, ошондой эле Тышкы иштер министрлигинин аны кызматтан бошотуу тууралуу сунушунун жүйөлөрүн изилдеп чыккан.

Текшерүү жыйынтыгында Тышкы иштер министрлигинин системасындагы бузуулар фактысы орун алгандыгы жана элчи Султан Кыргызстандын Малайзиядагы элчиси болуп иштеп жүргөндө мыйзамга туура келбеген аракеттерге барганы да аныкталган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!