Камчыбек Жолдошбаев менчик имаратын мектеп кылууга берди

Камчыбек Жолдошбаев менчик имаратын мектеп кылууга берди
3-Ноя. 2018, Ишемби, 15:46

Жогорку Кеңештин депутаты Камчыбек Жолдошбаев Баетов айыл аймагынын Кайыңды-Булак айылындагы жеке менчик имаратын мектеп катары пайдалууга биротоло өткөрүп берди. Бул тууралуу Ак-Талаа районунун акими Нурбек Молодокадыров “Zaman Kyrgyzstan” маалымат агенттигине кабарлады. Анын айтымында, мурун окуучулар эски мектепте окуп келишкен. Депутатка сунуш менен кайрылганда ал макул болуп, менчик имаратын мектеп катары колдонууга белекке берген.

“Буга чейин окуучулар эски мектепте окуп жүрүшкөн, шарты деле жакшы болчу. Камчыбек Жолдошбаев берген имарат үч кабаттуу, мурунку административдик автобаза болуп эсептелинет. Азыр имаратты муниципалитетке өткөрүп берүү процесси жүрүп жатат. Толук кандуу жылытуу системаларын орнотуп, ремонт жүргүзгөндөн кийин 2019-жылы сентябрь айында окууга берилет. Быйыл Ак -Талаа районунун Баетов айылы 90 жылга толот. Анын алкагында биз ага “имаратты белек катары мектеп кылалы” деп кайрылганбыз. Имараттын орточо баасы 70 -100 млн сом болот. Имараттын артында дагы бош орундар бар. Ремонт кылсак футбол аянтчасына жарайт”, - деди Молдокадыров.

Коомчулукка өзгөчө сунуштары менен белгилүү болгон Камчыбек Жолдошбаев Кытайдан алган насыядан кутулуу үчүн өз чөнтөгүнөн 10 млн сом берерин айткан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР