Окуучулар белгисиз газ менен ууланды

Окуучулар белгисиз газ менен ууланды
18-Апр. 2017, Шейшемби

Кечээ, 17-апрелде саат 10:35 чамасында Балыкчы шаарындагы №3 Абдылдаев атындагы орто мектепте окуучулар белгисиз газ менен ууланышкан. Бул тууралуу Өзгөчө кырдаалдар министрлигинен билдиришти.

Маалыматка ылайык, уулануунун натыйжасында 5 окуучу шаардык ооруканасынын реанимация бөлүмүнө, 5 окуучу травматология бөлүмүнө жаткырылган.

Окуя каталган жерге №19 аскерлештирилген өрт-куткаруу бөлүмүнөн 3 куткаруучу, ШИИБдин 5 милиция кызматкери жана шаардык ооруканасынан 4 кызматкер тартылган.

Ошол эле күнү куткаруучулар тарабынан 2 мугалимге жана 2 окуучуга биринчи медициналык жардам көрсөтүлүп, тез жардам кызматы тарабынан 10 окуучу шаардык ооруканага жаткызылган.

Милиция кызматкерлери кандай газ менен уулангандыгы тууралуу иликтөө иштерин жүргүзүүдө.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!