Ишкерлерден пара талап кылган тескөөчүлөр кармалды (видео)

Ишкерлерден пара талап кылган тескөөчүлөр кармалды (видео)
5-Дек. 2018, Шаршемби, 12:45

Экономикалык кылмыштарга каршы күрөшүү кызматы (финансы полициясы) Ветеринардык жана фитосанитардык коопсуздук боюнча мамлекеттик инспекциянын жана Чүй облусунун Панфилов районундагы “Чалдыбар” салмак көлөмдүк көзөмөлдүн кызмат адамдары чарба жүргүзүүчү субъекттеринен жана жеке ишкерлерден акча опузалап талап кылышканын аныктады.

Финансы полициясы чогулткан материалдар боюнча Чүй облусунун прокуратурасы Кылмыш-жаза кодексинин кызматтык абалдан кыянаттык менен пайдалануу” “опузалап пара талап кылуу” беренелери боюнча кылмыш ишин козгоду. “Чалдыбар” ветеринардык, фитосанитардык көзөмөлдүн тескөөчүсү жана “Чалдыбар” салмак көлөмдүк көзөмөлдүн улук тескөөчүсү кылмыш убагында кармалышкан. Азыркы убакта тергөө иштери жүрүп жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!