Транспорт министринин орун басары 50 миң доллар пара менен кармалды

Транспорт министринин орун басары 50 миң доллар пара менен кармалды
6-Дек. 2018, Бейшемби, 11:14

5-декабрь күнү Транспорт жана жолдор министринин орун басары «Ж.А.». (Азимжан Жусубалиев) 50 000 АКШ доллар пара алып жаткан жеринен кармалды. Бул тууралуу Улуттук коопсуздук боюнча мамлекеттик комитеттен кабарлады.

Маалыматка караганда, жогоруда көрсөтүлгөн сумма Кошмо жол Борбор Азиялык регионалдык экономикалык кызматташтык 1- жана 2-коридорун, Эпкин-Дыйкан тилкеси (Башкууганды, (89,5 км – 159,2 км)” долбоору боюнча жол курулуш жана калыбына келтирүү жумуштарын аткаруу боюнча тендерди оң жагына чечип берүү үчүн берилген. Министрдин орун басары тендердик комиссияда төрагалык кылып, компаниянын таламын талашмак.

УКМК чет элдик компаниянын кызыкчылыгын коргоо 520 миң долларга бааланганын айтып, ал мурдараак компаниядан каражаттын 120 миң долларын ортомчулук кылган туугандарынан алганын. Акчанын калган бөлүгүн кийин жумаларда алууну мерчемдеген.

Азыркы учурда кармалган жарандар УКМКнын убактылуу кармоочу жайына киргизилди. Аны менен кошо кимдер кармалганы айтылган жок. Тергөө иштери жүрүп жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!