Вице-спикер парламентти сындагандарга тизгинди бир аз тартыш керек деп жооп кайтарды

Вице-спикер парламентти сындагандарга тизгинди бир аз тартыш керек деп жооп кайтарды
6-Дек. 2018, Бейшемби, 13:54

Быйыл кыргыз парламентинин түзүлгөнүнө 80 жыл толду. Ал мына ушул мезгил аралыгында жалпы элдин кызыкчылыгы үчүн өз милдетин аткарып келди. Акыркы мезгилде парламентке шайланбай калган айрым бир саясатчылар тарабынан кыргыз парламентинин дарегине жүйөсүз сын пикирлер айтылууда. Эми, эл аралык тажырыйба көрсөткөндөй, парламенттин табияты ошодой, ага карата ар кандай сындар айтылат экен, бирок андай сындардын ар биринин артында кандайдыр бир жүйөсү болуш керек да. Ансыз ал эч нерсеге арзыбайт. Бул тууралуу депутат Мирлан Бакиров Жогорку Кеӊеш жыйынында билдиргенин парламенттин басма сөз кызматынан маалымдашты.

«Жогорку Кеӊештин азыркы чакырылышын эле алалычы, биз жаӊы Конституциянын талаптарына ылайык жаӊыча усулдар аркылуу шайланып келип, өз милдетибизди аткарып жатабыз. Эгерде кимдир бирөөнүн кайсы бир депутатка карата каршылыгы болсо, анда ал ачыгын айтсын, өзү менен чечишип алсын. Бирок, жалпы парламенттин дарегине акараат келтиргенди токтотуп, тизгинди бир аз тартыш керек», - деди депутат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!