Рыспаев Бишкектеги мамлекеттик органдарды шаардын четине чыгарууну сунуштады

Рыспаев Бишкектеги мамлекеттик органдарды шаардын четине чыгарууну сунуштады
6-Дек. 2018, Бейшемби, 14:35

Бүгүн, 6-декабрда Жогорку Кеңештин "ар кыл маселелер" саатында ооган согушунун катышуучусу, депутат Кожобек Рыспаев ооган согушунун катышуучуларына жакшы көңул бурулбай келе жатканын жана жылына бир жолу ден-соолугун чындоо үчүн санаторийлерге жолдомо берилсе жакшы болорун айтып жатып, ал Бишкектеги мамлекеттик органдарды шаардын жакка белине чыгарууну сунуштады.

Анын айтымында, кийинки жылы советтик аскерлердин Ооганстандын чыгарылганына 30 жыл толот. Азыр согуштун катышуучуларына анчалык көӊүл бурулбай келет. Алар айына 6 миӊ сом жөлөкпул алышат.

"Бишкектин чок ортосунда көптөгөн мамлекеттик мекемелердин имараттары жайгашкан. Алардын ээлеген аянты да чоӊ. Ошондуктан, мамлекеттик органдар менен мекемелер шаардын чет-жакасына чыгарылса, Бишкек шаарынын борбордук бөлүгү бошоп, жагдай кыйла оӊолмок. Мен бул маселени мурда деле көтөргөм, бирок Өкмөт эмнегедир укмаксан болууда", - дейт Рыспаев.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!