ЖОЖдордо мамлекеттик тилди билгендерге артыкчылык берилет

ЖОЖдордо мамлекеттик тилди билгендерге артыкчылык берилет
11-Янв. 2019, Жума, 15:36

Кыргызстанда абитуриенттерди жогорку окуу жайларга кабыл алууда мамлекеттик тилди билгендерге артыкчылык берилет.

Билим берүү жана илим министрлигнин басма сөз кызматынан маалымдашкандай, өкмөттүн өткөн жылдын 11-июнундагы (№279) токтомуна ылайык, Жалпы республикалык тестирлөөдөн (ЖТР) бирден балл алган абитуриенттердин ичинен кыргыз тилин жакшы билгендер артыкчылыктуу болот.

Быйыл кыргыз тили боюнча тесттен абитуриенттер өз ыктыяры менен өтүүгө болот.

Кыргыз тилдүү мектептердин окуучуларынын мамлекеттик тилди билгендиги В1 деңгээлинде, ал эми орус, өзбек, тажик окутуу жүргүзгөн мектептердин окуучулары А2 деңгээлин көрсөтүшү керек.

Айта кетсек, үстүбүздөгү жылдын 1-мартынан тарта окуучулар "Кыргызтест" борборунун сайтынан тесттен өтүп өзүнүн тил билүү мүмкүнчүлүгүн текшерип көрүшсө болот.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!