Жеңесинин колунан таяк жеген наристе каза болдубу? (фото)

Жеңесинин колунан таяк жеген наристе каза болдубу? (фото)
11-Янв. 2019, Жума, 15:56

Ош шаарында ур- токмокко кабылган наристе каза тапты. Ош ШИИБнын басма сөз кызматы маалымдагандай, балдар ооруканасына 10-январь күнү, болжол менен саат 15.00 чамасында Ош шаарынын тургуну үч жаштагы наристе «калтырап жатат» дешип, баланын атасынын агасы тарабынан жеткирилген. Врачтар баланы кароо учурунда бала ооруканага чейин эле каза болуп калгандыгын гана айтышкан.

Баланын ѳлүмү тууралуу ак халатчандар ички иштер башкармалыгына кабар билдиришкен. Бул ѳлүмгѳ сырттан таасир эткен болушу мүмкүндүгүн байкашкан милиция кызматкерлери окуя болгон жерде кароо жүргүзүлүп, жабырлануучунун ѳлүмүнүн жана жаратынын оордугун аныктоо максатында соттук медициналык экспертиза дайындалган.
Соттук медициналык эксперттин катышуусунда наристенин жансыз денесин сырттан кароо учурунда анын бети-башында, колдорунда жана сандарында кѳгѳргѳн жарааттары, сол колунун билегинде ачык жараты бар экендиги аныкталган.

Кечээ күнү бул кылмышка шектүү катары маркум наристенин атасынын бир тууган агасынын аялы кармалып, убактылуу кармоочу жайга киргизилди.
Ал ѳз кѳрсѳтмѳсүндѳ наристенин шымына сийип алгандыгы үчүн анча-мынча чымчып, буттарына уруп жүргѳндүгүн билдирген. Анын айткандарын күйѳѳсү дагы тастыктап, аялы тарбиялоо үчүн кээде кол кѳтѳрүп коюп жаткандыгын айткан.
Учурда, бул факты боюнча “Этиятсыздыктан киши ѳлтүрүүгѳ алып келген ден соолукка оор залал келтирүү” менен кылмыш иши козголду.
Маркум наристенин атасы менен апасы ажырашып кетип, балдар атасынын колунда калган. Атасы Россияга иштегени кетип, балдарын ѳткѳн жылдын 30-декабрында агасынын үйүнѳ карап туруу үчүн тапшырып кеткен экен.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!