Асанов:"Биздин милдет камоо эмес, тартипти орнотуу"

Асанов:
12-Янв. 2019, Ишемби, 11:28

Жалал-Абад облустук ички иштер башкармалыгынын 2018-жылдын 12 ай ичинде аткарган ыкчам-кызмат ишмердүүлүгүнүн абалы жөнүндө жыйынтыктоочу оперативтүү кенешме болду.

Ички иштер министрлигинен маалымдашкандай, ыкчам кеңешмеде жалпысынан аталган башкармалыктын 12 ай ичинде аткарган ыкчам-кызматтык, сырткы кызматтык жана жалпы ишмердүүлүгүнүн абалы каралды.

ИИМдин орун басары Курсан Асанов жыл ичинде Жалал-Абад облусунда аткарылган бир топ жетишкендиктерди баалап, аны менен бирге кетирген кемчиликтерге жол бербөөнү талап кылды. Ошондой эле өздүк курамга, жаңы мыйзамдар менен так жумуш алып барууга өзгөчө маани берүү зарыл экендигине басым жасады.

«Биздин милдет камоо эмес, жарандардын арасында тартипти орнотуу жана кылмыштуулукту алдын алуу керек” деди Асанов.

Айта кетсек, өткөн 12 ай ичинде аталган облуста жалпы катталган кылмыштардын саны- 2289 түзгөн. Анын ичинен 1837 кылмыш иши козголуп, 2736 кылмыш иши тергелген. Ошондой эле, катталган кылмыштардын ичинен 2500 кылмыштын бети ачылып, кылмыштын бетин ачуу пайызы 91,4 % түзгөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР