Жээнбеков ШКУнун Башкы катчысы Владимир Норовду кабыл алды

Жээнбеков ШКУнун Башкы катчысы Владимир Норовду кабыл алды
7-Фев. 2019, Бейшемби, 17:29

Президент Сооронбай Жээнбеков бүгүн, 7-февралда Шанхай кызматташуу уюмунун Башкы катчысы Владимир Норовду кабыл алды.

Президенттик аппараттан маалымдашкандай, мамлекет башчысы Норовду ШКУнун Башкы катчысынын кызматына дайындалышы менен куттуктап, анын жооптуу ишмердигине ийгиликтерди каалады.

Президент 18 жылдык ишмердигинде Уюм абройлуу эл аралык уюмдардын арасында татыктуу орунга ээ болгонун, коопсуздук жана мамлекеттер аралык мамилелердин туруктуу өнүгүүсүн камсыздоонун маанилүү фактору болуп калганын белгиледи.

Ал белгилегендей, кыргыз тарап ШКУ төрагалыгы алкагында активдүү иш аткарууда, сүйлөшүүлөр жүрдү, көптөгөн тиешелүү структуралар менен маселелер талкууланды.

«Бишкекте 2019-жылдын июнь айында өтө турчу ШКУга мүчө мамлекет башчыларынын Саммитине чейин биз бардык тиешелүү иш-чараларды жүргүзүп, кадырлуу меймандарды күтүүгө даярданабыз. Бүгүнкү күндө ШКУга мүчө мамлекет башчыларынын отурумунда кол коюуга пландалган жыйынтыктоочу документтер иштелип жатат. ШКУга мүчө мамлекеттердин элдеринин өнүгүүсү үчүн бирдиктүү аракеттер жыйындын негизги бөлүгүн сапаттуу толтуруп, чоң ийгиликтерге жетишебиз жана бул иш-чараны жогорку деңгээлде өткөрөбүз деп ишенем», - деп баса белгиледи Жээнбеков.

ШКУнун Башкы катчысы Владимир Норов анын Башкы катчы катары биринчи сапары бул жылы ШКУда төрагалык кылган Кыргызстанга болуп жатканын символикалуу деп белгиледи.

«Кызматка киришкенден берки башкы артыкчылыктуу багыт катары мен өзүм үчүн ШКУнун Саммитин жана анын алкагындагы тиешелүү иш-чараларды эң жогорку деңгээлде өткөрүүнү аныктадым. Кыргызстандын тышкы иштер министри жана Коопсуздук кеңешинин катчысы, жаштар кеңешинин жетекчиси жана ШКУнун ишкердик кеңеши менен жемиштүү жолугушуулар өттү. Бул жолугушууларда биз Саммитке чейин чечиле турчу маселелердин бардыгын кеңири талкууладык. Баарынан мурда – бул даярдала турган документтердин пакети», - деп белгиледи Норов.

Жээнбеков жана Норов саясат, коопсуздук, маданий жана гуманитардык байланыштар жаатындагы кызматташуу менен катар ШКУнун алкагында экономикалык потенциалды активдештирүү мүмкүнчүлүгүн талкуулашты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Көмүр ташуучу вагонго жашынган жаран кармалды
Көмүр ташуучу вагонго жашынган жаран кармалды
Нурлан Насип менен Асел Кадырбекова жаңы стиль менен ырдап чыгабы?
Нурлан Насип менен Асел Кадырбекова жаңы стиль менен ырдап чыгабы?
Өрүк майынын сулуулукка пайдасы
Өрүк майынын сулуулукка пайдасы
Эсеп 27:0 болгондо машыктыруучуну иштен айдады
Эсеп 27:0 болгондо машыктыруучуну иштен айдады
Данияр Эрматовдун болочок жары Айсалкындын кыз узатуу тою болот
Данияр Эрматовдун болочок жары Айсалкындын кыз узатуу тою болот
Адамдарга жасаган чыдамкайлык мамиле өмүрдү узартат!
Адамдарга жасаган чыдамкайлык мамиле өмүрдү узартат!
ЕАЭБдин тышкы соода жүгүртүү көлөмү беш пайызга төмөндөдү
ЕАЭБдин тышкы соода жүгүртүү көлөмү беш пайызга төмөндөдү
УКМК: Ош шаарынын тургуну джихаддык идеологиядан ​баш тартты
УКМК: Ош шаарынын тургуну джихаддык идеологиядан ​баш тартты
Кыргызстандын мамлекеттик карызы 4,5 млрд долларга жетти
Кыргызстандын мамлекеттик карызы 4,5 млрд долларга жетти
​75 жаштагы фитнес жылдызы интернетти жарды (видео)
​75 жаштагы фитнес жылдызы интернетти жарды (видео)
Кайсы табигый дарылар рак оорусун күчөтөт?
Кайсы табигый дарылар рак оорусун күчөтөт?
Президент жаңы мыйзамга кол койду
Президент жаңы мыйзамга кол койду
​“Интер” клубунун машыктыруучусу ок салынган, тоголок кат алды
​“Интер” клубунун машыктыруучусу ок салынган, тоголок кат алды
Тогуз айда Кыргызстанда 15 мектеп курулду
Тогуз айда Кыргызстанда 15 мектеп курулду
Жанар Акаев мыйзам долбоорлорун талкуулоону өзгөртүү тууралуу сунуш киргизди
Жанар Акаев мыйзам долбоорлорун талкуулоону өзгөртүү тууралуу сунуш киргизди
​Ошто өз жанын кыйган аскер кызматкеринин сөөгү табылды
​Ошто өз жанын кыйган аскер кызматкеринин сөөгү табылды