Ат-Башы каналына чөгүп кеткен 5 жаштагы баланы 99 куткаруучу издөөдө

Ат-Башы каналына чөгүп кеткен 5 жаштагы баланы 99 куткаруучу издөөдө
15-Апр. 2019, Дүйшөмбү, 12:26

Ат-Башы каналына түшүп кеткен 5 жаштагы баланы издөө иштерине 99 куткаруучу тартылды. Бул тууралуу бүгүн,15-апрелде Өзгөчө кырдаалдар министрлигинен билдиришти.

Маалыматка караганда, 11-апрель күнү саат 18:25 чамасында Аламүдүн районунун Константиновка айылындагы Ат-Башы каналына 5 жаштагы Б.Б. аттуу бала чөгүп кеткен.

"Бүгүн,15-апрелде издөө иштерин улантуу максатында жалпы 99 куткаруучу тартылган. Издөө иштери Константиновка айылынан Камышановка айылына чейин жүргүзүүлүүдө (Ат-Башы каналы жана Чу дарыясында ), Аламүдүн жана Сокулук району камтылат",- деп айтылат маалыматта.




Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!