Чүйдүн тургунунун үйүнөн 1 килограммдан ашык марихуана табылды

Чүйдүн тургунунун үйүнөн 1 килограммдан ашык марихуана табылды
24-Апр. 2019, Шаршемби, 09:54

Ички иштер министрлигинин Баңгизаттарды мыйзамсыз жүгүртүүгө каршы күрөшүү боюнча кызматынын кызматкерлери тарабынан баңгизаттарды мыйзамсыз жүгүртүү менен алектенишкен жарандардын ишмердүүлүгүнө бөгөт коюшту. Бул тууралуу бүгүн, 24-апрелде аталган министрликтин басма сөз кызматынан билдиришти.

Маалыматка ылайык, Аламүдүн районунун 37 жаштагы К.С. аттуу жашоочусунун үйүнө кароо жүргүзүү иш-чараларынын натыйжасында кара куурай жыттанган 1 килограмм 174 грамм салмагындагы майдаланган баңгизат табылып алынган.

Ал эми эскпертизанын жыйынтыгы менен табылып алынган баңгизат 1 килограмм 174 грамм салмагындагы “марихуана” баңгизаты болуп чыккан.

"Аталган факты Жазык кодексинин "Баңги каражаттарын, акыл-эске таасир берүүчү заттарды, алардын аналогдорун сатып өткөрүү максатында мыйзамсыз даярдоосатып алуу, сактоо, ташуу, жөнөтүү, берип жиберүү" боюнча сотко чейинки өндүрүш башталган.
Азырыкы учурда аталган кылмыш ишине тиешеси бар башка жарандарды аныктоо боюнча ыкчам тергөө иш-чаралары жүрүүдө
",- деп айтылат маалыматта.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!