Базар-Коргондо дайынсыз жоголгон аялдын сөөгү табылды

Базар-Коргондо дайынсыз жоголгон аялдын сөөгү табылды
26-Апр. 2019, Жума, 12:07

Базар-Коргон районунда дайынсыз жоголгон 58 жаштагы аялдын сөөгү табылды. Бул тууралуу бүгүн, 26-апрелде Өгөчө кырдаалдар министрлигинен кабарлашты.

Маалыматка ылайык, 24-апрель күнү аталган райондун Кызыл-Үңкүр айылында 58 жаштагы Ш.Б. аттуу тургуну дайынсыз жоголгон. Туугандары өз алдынча издөө иштерин жүргүзүшүп, Көк-Алма айылында Кара-Үңкүр дарыясынын боюнан жеке буюмдарын табышкан (куртка, телефон). 25-апрель күнү издөө иштерин жүргүзүү үчүн ӨКМнен жалпы 31 куткаруучу (Базар-Коргон райондук №78 ӨКБдан 20, Ноокен райондук №55 ӨКБдан 11 куткаруучу) ИИМден 25 кызматкер жана жергиликтүү тургундардан 33 адам, жалпы 89 адам тартылган.

"Издөө иштеринин натыйжасында саат 15:00дө Кара-Үңкүр дарыясынын жээгинен маркумдун жансыз денеси куткаруучулар тарабынан табылып, туугандарына өткөрүлүп берилген",- деп айтылат маалыматта.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!