Жалал-Абадда мунай базасы өрттөнүп жатат (видео)

Жалал-Абадда мунай базасы өрттөнүп жатат (видео)
10-Май 2019, Жума, 11:26

Жалал-Абад шаарынын Көк-Арт кичи районунда жайгашкан Мунай базасында өрт чыкты. Өрт чыккандыгы туралуу маалымат Өзгөчө кырдаалдар министрлигине саат 10:05 келип түшкөн. Учурда өрттү өчүрүүгө 5 бөлүм тартылды.

Мындан сырткары, милиция кызматкерлери, тез жардам кызматы да өрт чыккан аймакка келди. Тилсиз жоонун келип чыгуу себеби азырынча айтыла элек. ӨКМдин Жалал-Абад облусунун башкармалыгынын башчысы, полковник Абулнасир Закиров билдиргендей, Жалал-Абад шаарындагы мунай базадан чыккан өрттү өчүрүүгө 350 литр көбүк колдонулду, кошумча 500 литр көбүк иштетилет. Мындан тышкары, Жалал-Абад шаарынын Жарандык коргоонунун кызматтары иш алып барууда.


Андан тышкары, шаардык суу канал башкармалыгынан, жашылдандыруу чарбасынан, аэропорттон, Сузак райондук өрт өчүрүү кызматынан кошумча техникалар тартылды.

Аймактагы жолдор тосулуп курчоого алынган. Жакын жайгашкан үйлөрдүн жашоочулары эвакуацияланды. Жабыркагандар жок.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!